WSL Fresh Install

Yen awakmu pengen nggawe WSL sing ora nganggo installer seko Microsoft Store

Download rootfs image

• Ubuntu

Carane pasang neng Windows

• Jalanke saka cmd utawa powershell, ora perlu nganggo administrator.

  > wsl.exe --import <jeneng distribusi> <panggonan instalasi> <panggonan .TAR.GZ>

  	katrangan
  jeneng distribusi	Iki mengko dadi jenenge distribusi sing neng wsl. Yen awamu njalanke wsl -l, jeneng iki sing bakal muncul. Contone wsl-fresh
  panggonan instalasi	Misale yen diisi C:\wsl-fresh\, nah mengko virtual hardisk nggone distro iki disimpen neng panggonan iku.
  panggonan .TAR.GZ	Sakdurunge, kan wis download image rootfs, lha panggonan iki diisi file sing wis di download, lengkap sak path-e

• Sing dadi cathetan, pas dijalanke nganggo wsl -d wsl-fresh (anggep wae pas nggawe dijenengi wsl-fresh), user neng linux nganggo root. Sakjane yo ora apa-apa. tapi luwih apik yen nduwe user dhewe kanggo login biasa. Yen arep nggawe user biasa, carane kaya iki:

  • Anggep wae arep nggawe user jenenge tukiman. Mlebu sik neng nggon wsl, terus jalanke perintah iki:

    $ adduser tukiman

    Terus bar kuwi kon nglebokne password, ping pindho. Yen ditakoni macem-macem, jawab wae sak-senengmu.

    Aja lali nambahke tukiman mau dadi sudoer

    $ adduser tukiman sudo

    Terus, ben pas nggunakake wsl langsung login nganggo user tukiman perlu ngedit file /etc/wsl.conf. Bisa di edit nganggo nano apa vim, saksenengmu. Isine kaya iki:

    [user]
    default=tukiman

  • Bar nggawe user, linux wsl di shutdown saka windows cmd apa powershell.

    > wsl --shutdown

  • Terakhir, yen perlu, pas buka wsl langsung neng home. carane:

    echo "cd ~" >> ~/.bashrc

Pun, Ngoten Niku.